جمعنا لك أكثر الأسئلة اللي تخطر ببال عملائنا، عشان تطلب وتجدد مساحتك وأنت متطمن.
عن المنتجات وتفاصيل التصميم
لوحاتكم جاهزة ولا تتفصل لي بالطلب؟
في تلاوين آرت، إحنا ما نبيع منتجات مخزنة على الرفوف. كل قطعة تُصنع وتُفصل خصيصاً لك بعد تأكيد طلبك بناءً على المقاس واللون اللي اخترته، عشان توصلك تحفة فنية جديدة وتليق بمساحتك.
عندي صورة في جوالي أو تصميم بخاطري.. تقدرون تسوونها لوحة؟
أكيد! ارفع صورتك من قسم التفصيل الخاص، وفريقنا بيشيك على دقتها أولاً لضمان إن الجودة تطلع ممتازة بالطباعة، وبعدها نضبطها لك لتطلع بيرفكت.
عاجبتني لوحة بالمتجر، بس أقدر أغير مقاسها أو أعدل بألوانها؟
بكل تأكيد! أغلب لوحاتنا مرنة وقابلة للتعديل. تواصل معنا على الواتساب وبلغنا بالتفاصيل اللي بخاطرك، وفريقنا بيصممها على مزاجك.
عن الجودة، الألوان، والتركيب
هل ألوان اللوحة بتطلع نفس اللي أشوفه في شاشة جوالي 100%؟
نستخدم أحدث طابعات وأجود أنواع الكانفاس لضمان أقصى دقة فنية.
وش نوع الكانفاس اللي تستخدمونه؟
نستخدم قماش كانفاس فاخر ومخصص للأعمال الفنية. يعطي اللوحة ملمس بارز، ألوان حية تنبض بالحياة، وعمر طويل يخليها ما تبهت مع الوقت.
اللوحة توصلني جاهزة للتعليق ولا أحتاج أشتري لها مسامير وأغراض؟
توصلك جاهزة ومريحة! كل لوحاتنا ومرايانا توصلك مشدودة على إطارات خشبية متينة (أو بالبرواز اللي اخترته)، ومزودة بأدوات التعليق، عشان تركبها على جدارك بثواني وبدون حوسة.
عن الدفع وطلبات المشاريع
أقدر أقسط مبلغ اللوحة أو المراية؟
أكيد! وفرنا لك خيارات دفع مرنة. تقدر تقسط مشترياتك بدون فوائد عن طريق (تمارا) وقت إتمام الطلب، عشان تجدد مساحتك وتدفع على راحتك.
هل عندكم أسعار خاصة لطلبات الجملة أو مشاريع الشركات والفنادق؟
بكل تأكيد. نفخر بكوننا شركاء فنيين لأكبر الكيانات والمشاريع. خصصنا قسم متكامل لطلبات المشاريع بأسعار تنافسية. تقدر ترفع طلبك من صفحة (مبيعات المشاريع والشركات) أسفل الموقع وفريقنا بيخدمك فوراً.
عن الشحن والتوصيل
كم ياخذ الطلب عشان يوصلني؟
لأن قطعتك تُصنع وتتفصل لك بحب، مدة التجهيز تختلف على حسب طبيعة ونوع المنتج اللي طلبته. يعني لوحات الطباعة وقتها يختلف عن الرسم اليدوي، والفن الجبسي يختلف عن تفصيل المرايا لأن كل فن له تفاصيله. بس تطمن، فريقنا يشتغل بشغف عشان يجهز لك تحفتك بأعلى جودة وفي أسرع وقت ممكن.
لا سمح الله اللوحة انكسرت أو تضررت بالشحن.. وش الحل؟
حقك محفوظ وما يهمك! إحنا نغلف لوحاتنا بعناية فائقة جداً، لكن لو صار أي تلف بسبب شركة الشحن، صورها لنا خلال 24 ساعة من الاستلام، ونستبدلها لك فوراً.
عن التعديل والإلغاء والاسترجاع
طلبت وغيرت رأيي، أقدر ألغي الطلب أو أعدل عليه؟
تقدر تعدل أو تلغي طلبك (قبل ما نبدأ بالتنفيذ الفعلي). لكن بمجرد دخول الطلب لمرحلة التصنيع أو الطباعة، نعتذر منك عن الإلغاء لأن القطعة تفصلت بمقاسك ومواصفاتك الخاصة.
هل أقدر أسترجع اللوحة بعد ما توصلني وأسترد المبلغ؟
لأن منتجاتنا تُفصل بالطلب وبناءً على مقاساتك واختياراتك الشخصية، فهي غير قابلة للاسترجاع (إلا في حال وجود خطأ مصنعي من طرفنا أو تلف بالشحن). رضاكم غايتنا، ويهمنا نشتغل صح من البداية عشان كذا نراجع معاك التفاصيل قبل التنفيذ.
